Jarumar Nollywood Ta Yanke Jiki Ta Mutu A Coci
Likitoci a asibitin East Side a Jihar Enugu sun tabbatar da mutuwar jarumar fina-fina ta Nollywood, Chinedu Bernard.
Jarumar Ta yanke jiki ta fadi ne a yayin da ta ke aikin tsaftace coci na St. Leo the Great Catholic Church da ke rukunin gidajen Tarayya a jihar ta Enugu
A cewar rahoton The Punch, faston cocin, Rabaran Fada Uchendu Chukwuma, da wasu masu ibada a cocin, sun garzaya da ita asibitin a inda aka tabbatar ta rasu.
A cewar wani rubutu da daya daga cikin masu aiki a cocin ya wallafa, ana kokarin tuntubar yan uwanta kafin a kai gawarta dakin ajiye gawa a asibiti.
Jarumar da aka fi sani da Choco ta fito a fina-finai da suka hada da ‘The Mad’, ‘Money Fever’, ‘The Big Mama’s Stick’, ‘The Last Manhood’ da ‘Mad Love’ Da sauransu
Discover more from Labaran Yau
Subscribe to get the latest posts sent to your email.
