Akalla mutane 40 ne aka ruwaito sun mutu a lokacin da wasu ‘yan bindiga da ba a san ko su wanene ba suka kai hari a unguwar Ayati da ke karamar hukumar Ukum ta jihar Benue a ranar Alhamis.
Wani shugaban matasan yankin da ya nemi a sakaya sunansa saboda dalilan tsaro ya tabbatar da faruwar lamarin.
Yace sama da mutane 40 ne aka kashe kuma da dama sun jikkata. Ya kara dacewa mazauna kauyen sun gudu zuwa yankunan da ke makwabtaka da su domin tsira.
Ya ce: “Ya zuwa jiya, har yanzu jami’an tsaro ba su isa wurin ba. Al’amari ne mai kisa.”
A wani sako da aka wallafa a shafin Facebook, wani shugaban al’ummar Ukum, Mista Abraham Waroh, ya koka da harin da aka kai wa Ayati.
Yace:
“Sama da 40 aka kashe a Ayati jiya da yamma. Wannan dai shi ne wurin da aka kashe mutane a baya, wanda ya kai ga zanga-zangar da daga baya wasu ‘yan daba suka yi awon gaba da su.
“Bayan irin wadannan abubuwan, da an yi tsammanin gwamnati za ta tabbatar da jami’an tsaro mai karfi a Ayati don hana ci gaba da kashe-kashen. Maimakon haka, gwamnati ta shagaltu da kafa kwamitoci domin duba rikicin.
“Ban taba ganin yadda ake magance matsalar tsaro ba a rayuwata.”
