Rashin Kujeran Zama: An Shigar Da Makarantar Kanye West Kara Kotu
Shahararren mawakin Rap dan asalin kasar Amurka kuma tsohon mijin Kim Kardashian, ya musanta cewa makarantar sa ta Kirista makaranta ce da ake karbar tsabar kudaden mutane amma yaran basa samun kayan more karatu da rayuwa a makarantar. Amma zarge-zargen na ci gaba da zama gaskiya.
Tabbas akwai misalai da yawa na wadanda suka rike kudade masu yawa kuma sukayi abinda suka ga dama da shi. Shima Kanye West haka yayi, kamar yadda West ke son a san shi, da alama yana tunanin cewa nasarar da ya samu a cikin kide-kide da kuma salon sa ya sa ya cancanci yin komai daga takarar shugaban kasa har zuwa kafa makaranta.
Dukanmu mun san yadda burinsa na shugaban kasa ya kasance, amma mun gano yadda abin kunyan mawaƙin ya kasance. A ƴan shekaru da suka wuce, Ye ya buɗe wata makaranta mai zaman kanta a Los Angeles mai suna Yeezy Christian Academy, wacce ta zama Donda Academy.
Makarantar, wacce ta kai dalar Amurka 15,000 (£ 11,600) a shekara adadin da ya kai Naira Miliyan N12m na kudin Najeria. An sanya wa sunan mahaifiyarsa marigayiya, Farfesa Donda West, kuma ta kasance mai sirri sosai game da tsarin da ba a saba da shi ba.
Yanzu, makarantar na kotu kan kararraki guda 2 kuma zargin yana kara samun tabbaci. A cewar karar da tsoffin malamai uku da kuma tsohon mataimakin shugaban makarantar suka shigar, makarantar ba ta da ma’aikacin koyar da addinin da kyau da ma’aikatan lafiya da kuma jerin dokoki masu ban mamaki.
Misali, ana baiwa ɗalibai sushi ne kawai don abincin rana, wanda aka bayar da rahoton cewa Ye na kashe $10,000 (£ 7,800) kachal a mako. Ba a ƙyale yaran su yi amfani da cokali mai yatsu ba kuma dole ne su zauna a ƙasa don su ci abinci “kore kujeru an saka masu Kafet kafet”. Wani da ake zargin babu a Donda Academy shine matakan hawa: babu wani azuzuwan a bene na biyu, saboda West na “tsoron matakala”.
An kuma haramta launuka: dole ne dalibai su sa baki duka; kofuna da kwano dole su zama launin toka. Windows babu kowa saboda mawaƙin “ba ya son gilashi”. Watakila abin da ya fi tayar da hankali shi ne, ana kulle kofofin makarantar daga waje a ranar makaranta.
Ye da lauyoyinsa, sun ce duk waɗannan zarge-zargen ya kamata a yi watsi da su da kuma kwatanta Donda Academy a matsayin makarantar da bam ai kyau ba da aka tsara don gamsar da abinda Ye din ke so ya gani” ƙarya ne.
