Kuka bishiyace dake da amfani da muhimmanci ga abinci da magunguna tana kunshe da muhimman sinadarai masu bada kariya ga lafiyar dan adam.
Yana temakawa wajen magance wasu cututtuka kamarsu tari, ulcer, ciwon koda dama sauransu sinadaran sun kunshi vitamin e, vitamin c, calcium, potassium, da sauransu.
Biyomu don koyar yanda ake hada miyar kuka ta zamani.
Abubuwan Hada Miyar Kuka
1. Kuka
2. Manja
3. Attaruhu da tattasai
4. Albasa
5. Nama
6. Daddawa
7. Wake
8. Citta
9. Tafarnuwa
10. Kanwa
11. Sinadaran dandano
Yadda ake hadawa
- Dafarko zaa daura wake a wuta asaka kanwa kadan da gishiri a barta ta dafu ligif sai a juye ta roba
- Sa’annan a maida tukunyar a soya manja da albasa bayan ta soyu a zuba kayan miya wato markadadden attaruhu da tattasai,
- A wanke nama a zuba, asa daddawa, maggi, citta da tafarnuwa a soyasu tare bayan ya soyu tsaf
- Sai a dauko wakennan da aka dafa tare da ruwan waken ayi sanwa da ita idan ruwan be isa ba a kara daidai yawan da ake bukata
- A saka sinadaran dandano a rufe tukunyar komi ya dafu tsaf ya hada kanshi
- Bayan komi yadafu sai a dauko garin kuka a kada miyar da ita daidai kaurin da akeso
- Sai adan diga ruwan kanwa ko ruwan toka a rufe tukunyar ta tafasa idan anaso miyar tadanyi yauki kar a rufe tukunyar miyar kuka ta kammala.
Sai a tuka tuwon shinkafa ko gari ya danganta da wanda akeso.
Ga bidiyon yanda ake miyan kuka daga bisani ⇓
Yadda Ake Miyar kukan Kaza
Ita miyar kuka da akeyi na kaza ya danganta da irin yadda kike so, amma yau Zan miki yadda zakiyi na kaza mai Dadi.
Kayan Hadi
1. Kuka
2. Albasa
3. Tattasai
4. Attaruhu
5. Kanamfari
6. Citta
7. Maggi
8. Gishiri
9. Kaza
Yadda Ake Hadawa
- Da farko zaki yanka naman kazan daidai Yadda kikeson girman naman
- Sai ki wanke namar da kyau. Sannan Ki daura a wuta Ki saka ruwa.
- Ki wanke kayan miyan Ki Ki markada ko Ki jajjaga ki zuba akai yadda ake farfesu. In kinaso zaki iya saka daddawa kadan ciki har Sai namar ta dahu.
- Sai ki zuba kukarki a hankali kina kadawa da bulogari dan kar yayi gudaji.
- In yamiki kauri yadda kikeso Sai ki barshi ya dahu kamin Ki sauke.
Akwai Yadda Akeyi Na Tumaturi
Shi Kuma Ana markada kayan miya,
Sai a soya kayan miyan kamar yadda ake miyan tumatir (stew)
Sai a zuba maggi da nama kara ruwa kadan, in ya tafasa
Sai a kada kukar.
Ba lallai a gane miyar kuka bane saboda dadin da zaiyi.
Aci tuwo lafiya.
